Միջնադարյան Հայաստանի վանքերից է Լոռվա մարզում գտնվող ճարտարապետական գոհարների համալիրը` Սանահինի վանքը: Այն իրավամբ համարվում է Հայաստանի առաջնակարգ հուշահամալիրներից մեկը, ուստի թվում էր, թե նրա անունն ու տեղը հայտնի պետք է լիներ գոնե մտավորականությանը:Հակառակ այս իրողության, Սանահինի վանքի եւ նրա գտնվելու տեղի մասին նվազագույն գաղափար չունեն Հայ Առաքելական եկեղեցու Արարատյան թեմի պաշտոնաթերթ «Շողակն Արարատյան»-ի խմբագրությունում, քանի որ նշյալ թերթի սույն թվի թիվ 17-ի 6-րդ էջում մանրամասնորեն նկարագրված է եկեղեցի, գավիթ, մագիստրոսի ճեմարան, արքայական դամբարան, զանգակատուն, մատենադարան եւ փոքրիկ գավիթ ունեցող մի անհայտ տեղադրությամբ անանուն վանք, որն ըստ հոդվածագրի գտնվում էր Բորչալուի գավառում:Թերթի խմբագրին եւ հոդվածագրին, կարծում ենք, արժե հիշեցնել եւ զգուշացնել, որ հայերս ստիպված չենք մեր Լոռին ներկայացնել բորչալու թյուրքական ցեղի անունով ցարական տիրապետության օրոք ձեւավորված եւ ավելի քան 90 տարի արդեն գոյություն չունեցող վարչական միավորի մեջ եւ այսու խորհուրդ ենք տալիս մեր մամուլի էջերը անգրագիտության ցուցահանդեսի չվերածել:ՍԱՄՎԵԼ ԿԱՐԱՊԵՏՅԱՆ
Няма коментари:
Публикуване на коментар