Պելճիոյ նորանշանակ Աւագ Հիւպատոս Ֆրանսուա տէլ Մարմոլ 19 Դեկտեմբեր 2008, Ուրբաթ, ժամը 14.30ին, փափկավարական այցելութիւն մը տուաւ Պատրիարքարան։Յանուն Ն.Ա.Տ. Մեսրոպ Բ. Պատրիարք Հօր, Աւագ Հիւպատոսը ընդունուեցաւ Կրօնական Ժողովոյ Ատենապետ Գերշ. Տ. Արամ Արքեպս. Աթէշեանի կողմէ։ Յարգարժան հիւրը, որ անդրանիկ այցելութեամբ կը գտնուէր Պատրիարքարանի երդիքին ներքեւ, տեղեկութիւն ստացաւ ստացաւ Թուրքիոյ Հայ համայնքի մասին, իր ուրախութիւնը յայտնեց ծանօթացման սոյն ընդունելութեան համար, որմէ յետոյ շնորհակալութիւն յայտնեց ցուցաբերուած հիւրասիրութեան համար ու մեկնեցաւ։
Няма коментари:
Публикуване на коментар